দীপজ্যোতি বৰাৰ 'কি ফুল ফুলে চুনু' - জোনাক

HEADLINES

জোনাক

DIGITAL INDIA DIGITAL THINKING

Post Top Ad

দীপজ্যোতি বৰাৰ 'কি ফুল ফুলে চুনু'

দুচকুৱে দুচকুক লগ পালে
কি ফুল ফুলে, চুনু
নক’বি নক’বি কাকো
গছপাতক কোৱা কথা
বতাহে কাঁইটক ক’ব ।

ৰহধলা পথাৰলৈ খৰাং নামিছে, চুনু
মনলৈ খৰাং নামিবলৈ নিদিবি ।
কপাহী চাদৰেৰে বুকু ঢাকি ৰাখিবি
ৰঙাকৈ লিপষ্টিক, নেই‍লপলিচ নলগাবি
জেতুকা বুলাবি দুহাতত
বৰ্হমথুৰি ওঁঠত
শীতে লঠঙা কৰা দেশলৈ
বসন্ত আহিবই

চুনু, ত‌ইতো জান্
দেও লগা দেশৰ দেও লগা ল’ৰা মই ।
আয়েৰক ক’বি , পিতায়েৰকো ক’বি
এদিন আমি গড়গাঁৱত
সূৰ্য্যোদয়ৰ পতাকা উৰুৱাম ।

কোঁটকোৰাৰ কাঁইটে বিন্ধা জয়াৰ জীয়ৰী
চুনু, ত‌ই ধৈৰ্য্য নেহেৰুৱাবি
এদিন মই শিল ভাঙি
ঈশ্বৰৰ মূৰ্তি সাজিম
জেওৰা ভাঙি সাজিম মন্দিৰ ।


দীপজ্যোতি বৰা
চেতিয়া গাঁও, ঢেকিয়াল

No comments:

Post a Comment