ইলামনি শইকীয়াৰ কবিতা "কথাবোৰ ৰাজহাড় চোবাই খোৱাৰ" - জোনাক

HEADLINES

জোনাকলৈ স্বাগতম ।

Post Top Ad

ইলামনি শইকীয়াৰ কবিতা "কথাবোৰ ৰাজহাড় চোবাই খোৱাৰ"

                 নিচা খাই নিচা লগা সময়বোৰ
                 মৰ্‌মৰাই উঠিছে,
                  ক’বলৈ এতিয়া একো নাই
                  সকলো নিঃকিন একোটা জঁকা ,
                 মঙহ মেৰিয়াই কাউৰীৰ ময়ুৰ নাচোন
                 ভাল নলগাৰ কথাই কথাবোৰ...
                 বাহিৰৰ সমাগমত মঙহবোৰ নাচি থাকে ,
                  ভিতৰৰ বিষণ্ণতাত জঁকাবোৰ ডুবি থাকে ৷
                  নিচা খাই নিচা লগা সুৰ এটাই বিৰ্‌বিৰাই-
                  ফুটপাথৰ নলাত কক্‌বকাই থকা
                 ইতিহাস গৰকা অস্তিত্বৰ অৱসাদ আৰু বিষণ্ণতাৰ কথা ৷
                 জঁকাই পিন্ধি লোৱা মঙহবোৰে ভাৱে
                 সিহঁত ৰাজকীয় ভাস্কৰ্য...
                 নলাৰ কীটবোৰে মঙহৰ ভৰত পোত খাই থকা
                 শৱবোৰৰ শৰাধ মন্ত্ৰ জপে ৷
                  কথাবোৰ ৰাজহাড় চোবাই খোৱা সময়ৰ...
                  মৌনতা আৰু আস্ফালনৰ চাকনৈয়াত
                আজি কোন উঠে কোন নামে
                কোনে ধৰে শতিকাৰ অন্তিম গাণ্ডীৱ!!!

No comments:

Post a comment