সাগৰৰ "আজিৰ অকবিতা" - জোনাক

HEADLINES

জোনাকলৈ স্বাগতম ।

Post Top Ad

সাগৰৰ "আজিৰ অকবিতা"

  মাৰ জণ্ডিছ হৈছে
লাহে লাহে
হালধিয়া হৈ আহিছে চকুযোৰ
মাৰ তেজত
বিষাক্ত ভাইৰাচ হেপাটাইটিচ
কিবা এটা কৰিব লাগিব
গোটেই শৰীৰটো হালধীয়া হোৱাৰ আগতে
বিকল হৈ পৰাৰ আগতে মাৰ যকৃত
কিম্বা কলিজা

কিবা এটা কৰিব লাগিব
কাষৰৰ সেউজীয়াই
সুদুৰৰ পৰা নীলা
কিবা এটা কৰিব লাগিব
মই মোৰ বাবে সেউজীয়া হৈ থাকিবলৈকে
নীলা হৈ থাকিবলৈকে আপোনাৰ চকুত
কিবা এটা কৰিব লাগিব
মোৰ মাক যদি আপুনিও
আপোনাৰ মা বুলি ভাৱিছে
তেন্তে আহক
মাৰ শৰীৰৰ এই ভাইৰাচ আমি প্ৰতিৰোধ কৰো
তৈয়াৰ কৰো এক শক্তিশালী এণ্টিভাইৰাছ
প্ৰতিৰোধ কৰো
এই বিষাক্ত ভাইৰাচ সোমোৱাই দিয়া সকলক
একগোট হৈ সকলোৱে
এইয়াই উচিত সময়
এইয়াই সঠিক সময়
উপপাঠ্যঃ
গহৰাকৈ গজা শইচত গৰু লগাই দিয়াই ভাল !

No comments:

Post a comment